Адбылася прэзентацыя вынікаў праектаў Беларуска-Карэйскага Цэнтра супрацоўніцтва ў галіне інфармацыйных тэхналогій 2017 года

11 снежня 2017 г. у Міністэрстве сувязі і інфарматызацыі адбылася прэзентацыя вынікаў праектаў Беларуска-Карэйскага Цэнтра супрацоўніцтва ў галіне інфармацыйных тэхналогій 2017 года.

У бягучым годзе ў рамках работы Цэнтра завершаны праекты па развіцці сістэмы беспапяровага гандлю, пераводу ў электронны выгляд архіўных дакументаў і нарошчванню кампетэнцый ў сферы інфармацыйнай бяспекі.

Прадстаўнікі ІТ-кампаній, якія выступілі ў якасці выканаўцаў пералічаных праектаў, сярод якіх: KINY & Partners, KTNET і Ahnlab, прэзентавалі прысутным вынікі праведзенай на працягу года працы, дасягнутыя вынікі і планы па іх прымяненню ў Беларусі ў далейшым.

Кампанія KINY & Partners, якая аказвае кансультацыйную дапамогу па праекце развіцця ў Рэспубліцы Беларусь электронных архіваў, прадставіла вынікі праведзенага даследавання, уключаючы апісанне бягучай сітуацыі па фарміраванні электронных архіваў у Беларусі (мадэль "як ёсць"), прадэманстравала карэйскі паспяховы вопыт па іх стварэнні, а таксама прапанавала рэкамендацыі па прымяненні аналагічных падыходаў у беларускіх умовах (мадэль "як павінна быць").

Кампанія KTNET, якая ажыццяўляе работы па развіцці тэхналогій беспапяровага гандлю, правяла даследаванне бягучай сітуацыі і ў перыяд з 16 па 20 кастрычніка 2017 г. арганізавала тэматычны навучальны візіт для двух беларускіх спецыялістаў (Мінсувязі і ДМК) у Рэспубліку Карэя.
Па выніках карэйскімі экспертамі прадстаўлены справаздачны матэрыял, уключаючы прапановы па распрацоўцы і ўкараненню адукацыйнай праграмы па навучанні беларускіх спецыялістаў працы ва ўмовах функцыянавання тэхналогій беспапяровага гандлю, укараненне якіх прадугледжана ў рамках мерапрыемства 16 "Стварэнне Нацыянальнай сістэмы беспапяровага гандлю Рэспублікі Беларусь" Дзяржаўнай праграмы развіцця лічбавай эканомікі і інфармацыйнага грамадства на 2016 - 2020 гады.

Прадугледжваецца, што ў рамках наступных этапаў праекта паказаная адукацыйная праграма можа быць адаптаваная і ўкаранёна ў Рэспубліцы Беларусь, што забяспечыць дзяржаву падрыхтаванымі кадрамі па гэтым напрамку.

Карэйская кампанія Ahnlab, адказная за праект па нарошчванню кампетэнцый у галіне інфармацыйнай бяспекі, у перыяд з 9 да 27 кастрычніка 2017 г. правяла курс навучання тэхналогіях у сферы інфармацыйнай бяспекі для 12 беларускіх спецыялістаў адпаведнага профілю (Мінсувязі, МУС, РУП "Белтэлекам", ААТ "Гіпрасувязь", НІРУП "ИППС", БГАС, БДУІР). Удзельнікі навучання вывучылі і атрымалі навыкі аналізу сеткавага трафіку, пошуку рознага роду ўразлівасцяў інфармацыйных сетак, пазнаёміліся з мовай праграмавання Python, апрабавалі прымяненне розных інструментаў аналізу дадзеных і многіх іншых сродкаў абароны інфармацыі.

У рамках мерапрыемства, якое адбылося 11 снежня, праведзена афіцыйная цырымонія ўзнагароджання ўдзельнікаў гэтага праекта. У цэлым курс навучання складаецца з трох этапаў. На наступныя этапы, якія прадугледжваюць больш глыбокае вывучэнне ўказаных пытанняў, праходзяць навучэнцы, якія атрымалі найлепшыя вынікі.

Таксама па выніках прэзентацый адбылося 2-е пасяджэнне сумеснага каардынацыйнага камітэта Цэнтра, дзе карэйскім і беларускім бакамі зроблены заключэнні аб эфектыўнасці выканання работ па праектах і зацверджана справаздача аб дзейнасці Цэнтра ў 2017 годзе.

На 3-м пасяджэнні сумеснага каардынацыйнага камітэта Цэнтра, які запланаваны да правядзення ў лютым 2018 года, прадстаўнікамі ад Мінсувязі і Нацыянальнага агенцтва развіцця інфармацыйнага грамадства Рэспублікі Карэя (NIA), якія ўваходзяць у яго склад, будзе разгледжаны і зацверджаны пералік праектаў і аб'ём іх фінансавання на 2018 год .

Нагадаем, што асноўнай мэтай работы Цэнтра з'яўляецца аказанне дапамогі Рэспубліцы Беларусь у развіцці інфармацыйнага грамадства з улікам паспяховага вопыту Рэспублікі Карэя па ўкараненні перадавых інфармацыйных тэхналогій. У рамках яго функцыянавання прадугледжваецца выкананне шэрагу мерапрыемстваў, якія прадугледжваюць абмен вопытам, тэхнічную падтрымку і кансультацыі па развіцці інфармацыйнага грамадства, а таксама выкананне праектаў па стварэнні і ўкараненні перадавых тэхналогій электроннага ўрада.