Задачы і функцыі РУП «Спецыяльная сувязь»

Друкаваная версія

Дзяржаўнае прадпрыемства «Спецсувязь» забяспечвае :

хуткую і надзейную перасылку спецыяльных адпраўленняў паміж індывідуальнымі прадпрымальнікамі, прадпрыемствамі, ведамствамі, арганізацыямі і ўстановамі ўсіх формаў уласнасці Рэспублікі Беларусь і дзяржаў-удзельніц Садружнасці Незалежных Дзяржаў і захаванасць спецыяльных адпраўленняў.

Уключае 11 падраздзяленняў спецыяльнай сувязі ў гарадах Мінск, Брэст, Баранавічы, Пінск, Віцебск, Полацк, Гомель, Калінкавічы, Гродна, Магілёў, Бабруйск. Падраздзяленні аказваюць паслугі па перасылцы (прыёму, апрацоўцы, захоўванню, перавозцы, дастаўцы, ўручэнню) пакетаў з карэспандэнцыяй, пасылак, упаковак (метызаў), каштоўных папер, банкнот у беларускай і замежнай валюце, каштоўных металаў, каштоўных камянёў і вырабаў з іх, ювелірных вырабаў і манет з каштоўных металаў.

Перавозка спецыяльных адпраўленняў ажыццяўляецца ўласным аўтатранспартам, у тым ліку браніраванымі аўтамабілямі. Прадпрыемства абслугоўвае больш за 90 маршрутаў спецыяльнай сувязі. Перасылка спецыяльных адпраўленняў на ўсім шляху ажыццяўляецца ўзброенымі супрацоўнікамі спецыяльнай сувязі.

Нароўнi з асноўнымі паслугамі Дзяржаўнае прадпрыемства «Спецсувязь» аказвае дадатковыя паслугі:

- накіраванне фельд'егера для прыёму пакетаў, пасылак у памяшканні адпраўшчыка;

- захоўванне спецыяльных адпраўленняў у падраздзяленнях спецыяльнай сувязі;

- аказанне паслуг спецыяльнай сувязі спецыяльным пасланцам (па-за маршрутам спецыяльнай сувязі).

У мэтах паляпшэння якасці паслуг на прадпрыемстве ўвесь час распрацоўваюцца і ўкараняюцца больш рацыянальныя маршруты дастаўкі спецыяльных адпраўленняў, праводзіцца тэхнічнае пераўзбраенне, абнаўленне парку аўтатранспарту, удасканальваецца аўтаматызацыя тэхналагічных працэсаў.

Аб кампаніі