Алгарытмы арганізацыі працоўных месцаў да ўзаемадзеяння з ідэнтыфікацыйнымі картамі грамадзян

Друкаваная версія

Алгарытм 1. Візуальны.

2
У гэтым алгарытме маецца на ўвазе, што інфармацыі, намаляванай на ID-карце, дастаткова для аказання паслугі (ажыццяўлення бізнес-працэсу). У такім выпадку алгарытм выконваецца гэтак жа сама, як і з пашпартам ўзору 2020 года і раней (далей - пашпарт).

Алгарытм 2. З выкарыстаннем адзінага партала электронных паслуг Нацыянальнага цэнтра электронных паслуг portal.gov.by

2
У гэтым алгарытме атрымаць звесткі аб месцы рэгістрацыі грамадзяніна можна праз адзіны партал электронных паслуг (АПЭП) Нацыянальнага цэнтра электронных паслуг (НЦЭП) - portal.gov.by.

Для гэтага супрацоўніку арганізацыі спатрэбіцца камп’ютар з выхадам у інтэрнет на хуткасці не менш за 1 мбіт/с, счытвальнік ID-карт, ключ (токен) з электронным лічбавым подпісам ДзяржСКАК НЦЭП. На камп’ютар устанаўліваецца кліенцкая праграма (прадастаўляецца бязвыплатна). Спатрэбіцца заключыць дагавор з НЦЭП на аказанне паслуг з дапамогай АПЭП.

У гэтым выпадку супрацоўнік арганізацыі зойдзе ў асабісты кабінет АПЭП, дзе зможа абраць паслугу па атрыманні недастатковых звестак ID-карты. Паслуга запатрабуе ад грамадзяніна прыкласці ID-карту да счытвальніка і пацвердзіць згоду на атрыманне персанальных даных шляхам уводу правільнага PIN-кода. Пасля паспяховага ўводу PIN-кода супрацоўніку арганізацыі АПЭП выдасць на экран патрэбную інфармацыю аб грамадзяніне.

Алгарытм 3. З выкарыстаннем уласнай сістэмы, дапрацаванай пад патрабаванні інтэграцыі з Адзінай сістэмай ідэнтыфікацыі фізічных і юрыдычных асоб (АС ІФЮА)


Алгарытм прадугледжвае, што арганізацыя правяла дапрацоўку сваёй інфармацыйнай сістэмы пад патрабаванні інтэграцыі з АС ІФЮА. На працоўным месцы супрацоўніка на камп’ютар устанаўліваецца кліенцкая праграма (прадастаўляецца бязвыплатна) і падключаецца счытвальнік ID-карт.

Супрацоўнік заходзіць у АРМ (кліенцкі модуль інфармацыйнай сістэмы арганізацыі) і ў мэтах запыту дадатковых звестак патрабуе ад грамадзяніна прыкладання ID-карты да счытвальніка і ўводу PIN-кода для падпісання запыту (згоды) на атрыманне персанальных даных. Пасля паспяховага ўводу PIN-кода ў АРМ аўтаматычна запоўняцца неабходныя палі звесткамі аб грамадзяніне: інфармацыя, якая змяшчаецца на карце, а таксама інфармацыя з інфармацыйных сістэм (пры пацверджанні правоў на атрыманне гэтай інфармацыі з дапамогай АС ІФЮА).

Алгарытм 4. Пры наяўнасці ў арганізацыі прамога доступу да інфармацыйных сістэм унутраных спраў, якія змяшчаюць неабходныя звесткі

2
Алгарытм прадуглеждвае, што ў арганізацыі ёсць свая інфармацыйная сістэма, інтэграваная з інфармацыйнай сістэмай унутраных спраў, альбо маецца кліенцкі модуль доступу (АРМ) да інфармацыйнай сістэмы МУС.

На працоўным месцы супрацоўніка на камп’ютары з дапамогай доступу да сістэмы МУС пасля ручнога ўводу ідэнтыфікацыйных даных, нанесеных на ID-карце, выдаецца неабходная інфармацыя для аказання паслугі (ажыццяўлення бізнес-працэсу).

Больш падрабязна аб алгарытмах атрымання звестак з ГІР (ГІС) пры дапамозе ААІС >>