Форум «ТІБО» праводзіцца ў Рэспубліцы Беларусь на штогадовай аснове і з’яўляецца пляцоўкай для абмену новымі дасягненнямі і перадавым вопытам у сферы інфармацыйных тэхналогій. У рамках форуму праводзіцца найбуйнейшая ў Беларусі выстава па тэлекамунікацыях, інфармацыйных і банкаўскіх тэхналогіях "ТІБО". Штогод выставу, якую заканамерна называюць «люстэркам рынку тэлекамунікацыйных і інфармацыйных тэхналогій», наведваюць больш за 30 000 спецыялістаў. Работнікі айчынных прадпрыемстваў сувязі і ІТ-кампаній, іх замежныя калегі кожны год атрымліваюць магчымасць азнаёміцца з самымі сучаснымі тэхнічнымі і праграмнымі сродкамі, тэндэнцыямі развіцця ўсіх сектараў інфармацыйнай сферы. Дэманстрацыя ў дзеянні інфармацыйных тэхналогій спрыяе шырокаму іх прымяненню ва ўсіх галінах эканомікі, сацыяльнай сферы, дзяржаўным кіраванні. ДрукPDF