Сусветны семінар МСЭ па радыёсувязі праводзіцца з 3 па 7 снежня 2018 года ў г. Жэнева (Швейцарыя). У працы семінара прымаюць удзел прадстаўнікі Міністэрства сувязі і інфарматызацыі Рэспублікі Беларусь, РУП «БелДІЭ» і ААТ «Гіпрасувязь». У 2018 годзе Сусветны семінар МСЭ па радыёсувязі прысвечаны асноўным прынцыпам кіравання выкарыстаннем спектру на сусветным і рэгіянальным узроўнях, а таксама працэдурах, звязаных з вядзеннем Міжнароднага даведачнага рэгістра частот і ахоплівае дзейсную регламентарную аснову кіравання выкарыстаннем частот на міжнародным узроўні, Рэкамендацыі МСЭ-R і інструменты, прызначаныя для выкарыстання спектру як наземнымі, так і касмічнымі службамі. Удзел у семінары дае магчымасць азнаёміцца з асаблівасцямі ўжывання палажэнняў Рэгламенту радыёсувязі МСЭ, атрымаць практычны вопыт у працэдурах апавяшчэння МСЭ для розных службаў радыёсувязі, азнаёміцца з магчымасцямі праграмнага забеспячэння і электроннымі публікацыямі, прадстаўленымі Бюро радыёсувязі МСЭ. Атрыманы ўдзельнікамі семінара вопыт знойдзе прымяненне пры планаванні і выкананні мерапрыемстваў па міжнароднай прававой абароне радыёчастотных прысваенняў Рэспублікі Беларусь. ДрукPDF