Створаны інструмент для ацэнкі якасці работы дзяржаўных арганізацый, якія аказваюць паслугі насельніцтву - Партал рэйтынгавай ацэнкі дзяржаўных арганізацый (качество-услуг.бел)

Друкаваная версія
06.12.2018

У мэтах забеспячэння ў Рэспубліцы Беларусь празрыстага і аб'ектыўнага механізму ацэнкі эфектыўнасці дзейнасці дзяржаўных арганізацый па аказанні паслуг, якія забяспечваюць жыццядзейнасць насельніцтва, і адміністрацыйных працэдур Міністэрства сувязі і інфарматызацыі прапануе грамадзянам скарыстацца магчымасцямі Партала рэйтынгавай ацэнкі дзяржаўных арганізацый.
Партал арыентаваны на грамадзян, даючы ім зручны інструмент для размяшчэння свайго меркавання пра якасць працы дзяржаўных арганізацый, кожная з якіх можа быць імі ацэненая па 5-бальнай шкале па наступных крытэрыях:
прастата і зразумеласць працэсу атрымання паслугі;
даступнасць інфармацыі аб парадку атрымання паслугі;
захаванне ўстаноўленага тэрміну прадастаўлення паслугі;
ветлівасць і добразычлівасць супрацоўнікаў.
Падрабязнае апісанне парадку работы з парталам прыведзена ў раздзеле «Аб партале».
На падставе выстаўленых грамадзянамі адзнак прадугледжана аўтаматычнае фарміраванне на Партале адпаведнага рэйтынгу дзяржаўных арганізацый. Такі рэйтынг дазволіць павысіць эфектыўнасць і якасць работы дзяржаўных устаноў, стварыць камфортнае асяроддзе для жыцця грамадзян.

* Партал рэйтынгавай ацэнкі арганізацый распрацаваны НІРУП «Інстытут прыкладных праграмных сістэм» па заказе Міністэрства сувязі і інфарматызацыі Рэспублікі Беларусь у мэтах рэалізацыі Дырэктывы Прэзідэнта Рэспублікі Беларусь ад 27 снежня 2006 г. № 2 "Аб дэбюракратызацыі дзяржаўнага апарату і павышэнні якасці забеспячэння жыццядзейнасці насельніцтва" у частцы стварэння і ўкаранення сістэмы рэйтынгавай ацэнкі грамадзянамі эфектыўнасці дзейнасці арганізацый, якія аказваюць паслугі, якія забяспечваюць жыццядзейнасць насельніцтва, якасці ажыццяўлення адміністрацыйных працэдур шляхам анкетавання, правядзення апытанняў ў глабальнай камп'ютарнай сетцы інтэрнэт і іншых мерапрыемстваў з выкарыстаннем інфармацыйных і тэлекамунікацыйных тэхналогій.
Да 1 студзеня 2019 г. партал функцыянуе ў тэставым рэжыме.