Міністр накіраваў віншавальную тэлеграму работнікам і ветэранам паштовай сферы напярэдадні Сусветнага дня пошты.

Друкаваная версія
07.10.2016

Міністр сувязі і інфарматызацыі Сяргей Папкоў накіраваў віншавальную тэлеграму работнікам і ветэранам паштовай сферы напярэдадні прафесійнага свята - Сусветнага дня пошты.

Адно са святаў, якія адзначаюцца ў сістэме ААН - гэта Сусветны дзень пошты. Праводзіць гэтае свята сталі па рашэнні Сусветнага паштовага саюза (СПС) у 1969 годзе. У паштовы саюз уваходзіць каля 190 краін. Сучасная сусветная пошта фізічна ўяўляе сабой, напэўна, самую доўгую ў свеце сетку дастаўкі.

Пачынаючы з 9 кастрычніка ў рамках Міжнароднага тыдня ліста праводзіцца шэраг мерапрыемстваў з мэтай папулярызацыі і якаснага развіцця паштовага абслугоўвання ва ўсім свеце: распаўсюджваецца інфармацыя аб эканамічным і сацыяльным значэнні паштовай службы ў рамках дзяржавы і ўсяго свету, прыцягненне ўвагі спажыўцоў да паштовых паслуг, азнаямленне насельніцтва з задачамі і дзейнасцю Сусветнага паштовага саюза.

«Сёння, у эпоху новых інфармацыйных і камунікацыйных тэхналогій пошта стала неад'емнай часткай лічбавага свету. Беларуская пошта знаходзіцца ў пастаянным развіцці, удасканальваючы свае падыходы да прадастаўлення паслуг сувязі, штодня пацвярджаючы свой дэвіз «Шпаркасць, надзейнасць, даступнасць». У рэспубліцы актыўна ўкараняюцца і развіваюцца найбольш запатрабаваныя насельніцтвам і бізнесам паштовыя паслугі з выкарыстаннем сучасных тэхналогій, увесь час мадэрнізуецца інфраструктура паштовай сеткі », - гаворыцца ў тэлеграме.

Кіраўнік ведамства пажадаў прадпрыемству эканамічнага ўздыму і фінансавага дабрабыту, а ўсяму калектыву - новых працоўных дасягненняў, усім супрацоўнікам - здароўя, простага чалавечага шчасця і пазітыўнага настрою.