У Беларусі завяршыўся дзесяты раунд нефармальных міністэрскіх дыялогаў краін - удзельніц Усходняга партнёрства

22 чэрвеня 2018 года ў Мінску завяршыўся дзесяты раунд нефармальных міністэрскіх дыялогаў краін-удзельніц Усходняга партнёрства. 10-ы раўнд міністэрскіх дыялогаў традыцыйна прайшоў у фармаце канструктыўнага абмену меркаваннямі на міністэрскім узроўні па найбольш актуальных пытаннях і складаўся з двух асноўных сегментаў - сустрэчы міністраў, якія курыруюць пытанні развіцця лічбавай эканомікі і лічбавых тэхналогій краін-удзельніц Усходняга партнёрства, а таксама міністраў замежных спраў.

21 чэрвеня 2018 гадоў ў рамках першага сегмента міністэрскіх дыялогаў былі абмеркаваны актуальныя пытанні гарманізацыі лічбавых рынкаў краін-удзельніц Усходняга партнёрства, у тым ліку пытанні садзейнічання развіццю шырокапалоснага інтэрнэту ў рэгіёне Усходняга партнёрства, гарманізацыі роўмінгавых тарыфаў паміж краінамі-удзельніцамі Усходняга партнёрства, супрацоўніцтва ў галіне кібербяспекі для большай устойлівасці ключавой інфраструктуры ў рэгіёне Усходняга партнёрства і іншыя.

Па выніках праведзеных кансультацый, у якіх разам з кіраўнікамі лічбавых Міністэрстваў краін-удзельніц Усходняга партнёрства прынялі ўдзел прадстаўнікі кіраўніцтва Еўрапейскай камісіі, у тым ліку Еўрапейскі камісар па лічбавай эканоміцы і лічбавага грамадству Марыя Габрыэль і Еўрапейскі камісар па еўрапейскай палітыцы суседства і перамоў аб пашырэнні Еўрапейскага саюза Ёханэс Хан, былі намечаны крокі далейшага паглыблення канструктыўнага ўзаемадзеянні па розных напрамках гарманізацыі лічбавых рынкаў паміж краінамі-удзельніцамі Усходняга партнёрства і Еўрапейскім саюзам.

Пасля пленарнага пасяджэння адбылася прэс-канферэнцыя, дзе прадстаўнікі сродкаў масавай інфармацыі атрымалі адказы на найбольш актуальныя пытанні развіцця супрацоўніцтва краін-удзельніц Усходняга партнёрства і Еўрапейскага саюза, у тым ліку ў частцы праводзімай сумеснай працы, накіраванай на зніжэнне роўмінгавых тарыфаў, развіцця шырокапалоснага доступу, супрацоўніцтва у галіне кібербяспекі.

Пасля завяршэння афіцыйнай часткі першага сегмента міністэрскіх дыялогаў яго ўдзельнікі наведалі Цэнтр інфармацыйна-камунікацыйных тэхналогій (г. Мінск, пр-т Пераможцаў, 123), дзе азнаёміліся з гісторыяй станаўлення сувязі ў краіне, а таксама з перспектыўнымі напрамкамі развіцця сучасных інфармацыйна-камунікацыйных тэхналогій.

Таксама кіраўнікі міністэрскага ўзроўню краін-удзельніц Усходняга партнёрства правялі шэраг двухбаковых сустрэч з кіраўнікамі найбуйнейшых беларускіх гульцоў сектара ІКТ.

        Так, у прыватнасці, дзяржаўны сакратар Міністэрства эканомікі і інфраструктуры Рэспублікі Малдова Віталіе Тарлеў наведаў Парк высокіх тэхналогій, а таксама правёў перамовы з дырэктарам СТАА «Геймстрым» (беларускі цэнтр распрацоўкі WARGAMING) В.В.Навачадавым па актуальных пытаннях працы кампаніі, у ходзе якіх былі абмеркаваныя перспектыўныя магчымасці і напрамкі супрацоўніцтва.

       Такім чынам, міністэрскія дыялогі краін-удзельніц Усходняга партнёрства і праведзеныя ў іх рамках двухбаковыя мерапрыемствы паказалі значны патэнцыял для далейшага развіцця супрацоўніцтва ў межах Усходняга партнёрства па актуальных напрамках лічбавага ўзаемадзеяння, а таксама далі магчымасць намеціць далейшыя крокі ў сумеснай рабоце па гарманізацыі лічбавых рынкаў краін-удзельніц усходняга партнёрства.