Міністэрства сувязі і інфарматызацыі Рэспублікі Беларусь выпускае ў зварот два памятных спецштэмпеля, якія будуць выкарыстоўвацца з 29 лістапада па 2 снежня 2016 года для правядзення спецыяльнага памятнага гашэння, прысвечанага 22-й Азербайджанскай міжнароднай выставе і канферэнцыі «Тэлекамунікацыі і інфармацыйныя тэхналогіі» - Bakutel-2016. Да гэтай падзеі РУП «Белпошта» падрыхтавала мастацкі маркіраваны канверт з літарнай маркай «А». Намінал маркі «А» адпавядае тарыфу на перасылку простага ліста масай да 20 грамаў уключна ў межах Рэспублікі Беларусь. На канверце намаляваны Экспацентр (Баку), Футбольны манеж (Мінск), лагатып выставы. Дызайн канверта і спецштэмпеля Алены Мядзведзь. Тыраж канверта 35 тысяч. З 29 лістапада па 2 снежня 2016 года ў Баку (Азербайджан) пройдзе 22-я Азербайджанская міжнародная выстава і канферэнцыя «Тэлекамунікацыі і інфармацыйныя тэхналогіі» - Bakutel-2016, якая ўжо звыш 20 гадоў штогод збірае вядучых ігракоў тэлекамунікацыйнага рынку і з'яўляецца пляцоўкай для дэманстрацыі дасягненняў у сферы тэлекамунікацый і інфармацыйных тэхналогій, прэзентацыі самых неверагодных ідэй і праектаў, правядзення перамоў і ўстанаўлення дзелавых кантактаў. ДрукPDF