Міністэрства сувязі і інфарматызацыі Рэспублікі Беларусь і Міністэрства зносін Латвійскай Рэспублікі падпісалі Пратакол аб супрацоўніцтве па пытаннях вызвалення паласы радыёчастот 694-790 МГц

Друкаваная версія
01.07.2019

1 ліпеня 2019 года па выніках правядзення ў Міністэрстве сувязі і інфарматызацыі Рэспублікі Беларусь перагавораў па пытаннях каардынацыі выкарыстання радыёчастотнага спектру Міністр сувязі і інфарматызацыі Рэспублікі Беларусь Канстанцін Шульган і Міністр зносін Латвійскай Рэспублікі Талис Линкайтс падпісалі Пратакол аб супрацоўніцтве па пытаннях вызвалення паласы радыёчастот 694- 790 Мгц.

Вызваленне паласы радыёчастот 694-790 МГц (другі лічбавы дывідэнд) ад сродкаў тэлебачання дазволіць укараніць перспектыўныя сістэмы сотавай радыёсувязі на тэрыторыі дзвюх краін і забяспечыць выкананне адпаведных рашэнняў Міжнароднага саюза электрасувязі.

У гэтай сувязі па выніках правядзення перамоў была дасягнута дамоўленасць аб распрацоўцы ня пазней за 1 студзеня 2020 гады праекта пагаднення па тэхнічных крытэрам адносна аптымальнага і эфектыўнага выкарыстання паласы радыёчастот 694-790 Мгц у прыгранічных раёнах сістэмамі мабільнай сувязі наступнага пакалення, каб пазбегнуць узаемных радыёперашкод, з мэтай наступнага вызвалення паласы радыёчастот 694-790 Мгц ад радыёэлектронных сродкаў наземнага лічбавага тэлевізійнага вяшчання, што знайшло адлюстраванне ў Пратаколе аб супрацоўнцтве.

Вызваленне паласы радыёчастот 694 - 790 Мгц ад сродкаў наземнага лічбавага тэлевізійнага вяшчання дазволіць забяспечыць выдзяленне неабходнага радыёчастотнага спектру для развіцця сетак сотавай рухомай электрасувязі па тэхналогіі 5G (IMT-2020).

Перспектыўнае ўзаемадзеянне паміж Рэспублікай Беларусь і Латвійскай Рэспублікай у пытаннях вызвалення паласы радыёчастот 694-790 Мгц ад радыёэлектронных сродкаў наземнага лічбавага тэлевізійнага вяшчання і ўкаранення сістэм мабільнай сувязі наступнага пакалення будзе працягнута на ўзаемавыгаднай аснове з улікам падпісанага Пратакола аб супрацоўніцтве.