8 красавіка ў беларускй сталіцы пачынае работуХХVI Міжнародны форум па інфармацыйна-камунікацыйных тэхналогіях «ТІБО». Гэта маштабнае мерапрыемства штогод праводзіць Міністэрства сувязі і інфарматызацыі Рэспублікі Беларусь сумесна з іншымі зацікаўленымі органамі дзяржаўнага кіравання, профільнымі бізнэс-асацыяцыямі, прафесійнымі аб'яднаннямі, навукова-даследчымі і адукацыйнымі ўстановамі. У гэтыя хвіліны ў Кангрэс-холе «Мінск-Арэны» (г. Мінск, прасп. Пераможцаў, 111А.) праходзіць урачыстае адкрыццё форуму, пасля чаго пачынаецца Пленарнае пасяджэнне «Стратэгія лічбавай трансфармацыі». У ім прымаюць удзел кіраўнікі органаў дзяржаўнага кіравання, міжнародных арганізацый, вядомых сусветных брэндаў, найбуйнейшых кансалтынгавых кампаній з Беларусі, Расіі, Латвіі, Польшчы, Вялікабрытаніі, Кітая і Бразіліі. З прывітальным словам да прысутных звярнуўся Міністр сувязі і інфарматызацыі Канстанцін Шульган. Ён адзначыў, што за мінулыя гады ІКТ-форум унёс значны ўклад у развіццё інфармацыйнай сферы нашай краіны , стварэнне спрыяльных умоў для міжнароднага супрацоўніцтва, усебаковых зносін спецыялістаў, рэалізацыю стратэгіі інавацыйнага развіцця краіны, укараненне перадавых тэхналогій, фарміраванне навукаёмістай, рэсурсазберагальнай і канкурэнтаздольнай на сусветным рынку эканомікі. « У зрасла роля Міністэрства сувязі і інфарматызацыі як стратэгічнага штаба па развіцці лічбавай эканомікі ў маштабах усёй краіны - ад індустрыі 4.0 у прамысловасці і дакладнага земляробства ў сельскай гаспадарцы да стварэння паўнавартаснай сістэмы электроннай медыцыны ў краіне. Неабходна сфарміраваць выразную, ясную і канкрэтную стратэгію лічбавізацыі ўсіх галін і эканомікі ў цэлым », – падкрэсліў Міністр. Форум ТІБО 2019 закліканы ўнесці свой уклад у вырашэнне пастаўленых задач і фарміраванне разгорнутага плана дзеянняў па комплекснай лічбавай трансфармацыі. У рамках Форуму запланавана правядзенне буйных міжнародных мерапрыемстваў: Еўразійскі лічбавы форум; Беларускі ІКТ-Саміт; Канферэнцыя па кіраванні спектрам для краін СНД, Цэнтральнай і Усходняй Еўропы; Семінар Міжнароднага саюза электрасувязі па пытаннях радыёманіторынгу і інш. На працягу многіх гадоў Форум з'яўляецца найважнейшай пляцоўкай для абмеркавання ў шырокім коле кампетэнтных спецыялістаў стратэгіі развіцця ІТ-сферы Рэспублікі Беларусь і фарміравання дзяржаўнай інфармацыйнай палітыкі. Насычаная праграма прадугледжвае вялікую колькасць тэматычных пленарных сесій, круглых сталоў і семінараў. ДрукPDF