18 кастрычніка 2016 г. у г. Брусель (Бельгія) прайшла арганізаваная Еўрапейскай камісіяй міністэрская сустрэча па пытаннях лічбавай супольнасці

18 кастрычніка 2016 г. у г. Брусель (Бельгія) прайшла арганізаваная Еўрапейскай камісіяй міністэрская сустрэча па пытаннях лічбавай супольнасці з удзелам Еўрапейскага камісара па пытаннях лічбавай эканомікі і лічбавага грамадства Г.Эцінгера, Еўрапейскага камісара па пытаннях пашырэння і палітыкі суседства Й.Хана, прадстаўнікоў міністэрскага ўзроўню краін-удзельніц Усходняга партнёрства і міжнародных фінансавых інстытутаў.
Першы намеснік Міністра сувязі і інфарматызацыі Рэспублікі Беларусь Дзмітрый Шадко прыняў удзел у дадзенай міністэрскай сустрэчы і выступіў з дакладам па пытаннях фарміравання лічбавай супольнасці ў Рэспубліцы Беларусь.

Па выніках міністэрскай сустрэчы яе ўдзельнікі ўхвалілі сумесную заяву, у якой адзначылі дасягнутыя поспехі ў рабоце, накіраванай на гарманізацыю лічбавых рынкаў краін-удзельніц Усходняга партнёрства і Еўрапейскага саюза, і вызначылі далейшыя крокі ў гэтым напрамку.

У прыватнасці, удзельнікамі міністэрскай сустрэчы было адобрана стварэнне па ініцыятыве Еўрапейскай камісіі чатырох новых рэгіянальных лічбавых сетак па пытаннях лічбавага даверу і бяспекі, лічбавых навыкаў, інавацый у ІКТ і электроннага гандлю з мэтай далейшага паглыблення і развіцця супрацоўніцтва паміж краінамі-удзельніцамі Усходняга партнёрства і Еўрапейскім Саюзам па актуальных напрамках лічбавага ўзаемадзеяння.