У рамках Транспартнага тыдня 2020, які завяршыў сваю працу ў Маскве, 19 лістапада падпісана Пагадненне аб утварэнні Кансорцыума «Лічбавыя транспартныя калідоры Еўразійскага эканамічнага саюза». Да Пагаднення далучаюцца арганізацыі краін-удзельніц Еўразійскага эканамічнага саюза. Беларускай арганізацыяй-удзельніцай Кансорцыума з'яўляецца навукова-інжынернае рэспубліканскае унітарнае прадпрыемства «Інстытут прыкладных праграмных сістэм». Пагадненне падпісана дырэктарам Ігарам Міхайлоўскім. Кансорцыум створаны з мэтай забеспячэння каардынацыі дзейнасці ў інавацыйнай сферы развіцця транспартна-лагістычных сэрвісаў і лічбавай інфраструктуры экасістэмы лічбавых транспартных калідораў на тэрыторыі дзяржаў-членаў Еўразійскага эканамічнага саюза. Асноўнымі задачамі Кансорцыума вызначаны развіццё міжнародных транспартных калідораў, арганізацыя інфармацыйнага ўзаемадзеяння з сусветнымі лічбавымі экасістэмамі ў галіне транспарту і лагістыкі, распрацоўка і ўкараненне максімальна эфектыўных шляхоў вырашэння найбольш актуальных праблем у сферы транспарту і лагістыкі, рэалізацыя комплексу ўзаемазвязаных мерапрыемстваў па забеспячэнні функцыянавання лічбавай інфраструктуры і развіцці сэрвісаў экасістэмы лічбавых транспартных калідораў ЕАЭС. Член Калегіі (міністр) па ўнутраных рынках, інфарматызацыі, інфармацыйна-камунікацыйных тэхналогіях Еўразійскай эканамічнай камісіі Гегам Варданян паведаміў пра тое, што спіс прыярытэтных сэрвісаў для экасістэмы лічбавых транспартных калідораў ЕАЭС выходзіць на фінальную стадыю ўзгаднення, выступаючы на пленарнай дыскусіі «Лічбавыя транспартныя калідоры» ХIV міжнароднага форуму ў рамках «Транспартнага тыдня - 2020». «Мы цяпер знаходзімся на пачатковым этапе рэалізацыі праекта «Лічбавыя транспартныя калідоры ЕАЭС». Разам з краінамі-членамі актыўна фарміруем пералік прыярытэтных сэрвісаў, пасля чаго будуць адобраны механізмы рэалізацыі праекта, а таксама ўзгоднены неабходныя нарматыўныя прававыя акты для далейшай рэалізацыі». Таксама па матэрыялах http://www.eurasiancommission.org/ru/nae/news/Pages /20-11-2020-02.aspx ДрукPDF