31 жніўня 2020 года адасобленым падраздзяленні «Каледж інфармацыйна-камунікацыйных тэхналогій» і Віцебскім філіяле УА «Беларуская дзяржаўная акадэмія сувязі» прайшла ўрачыстая лінейка, прысвечаная Дню ведаў. Ва ўрачыстых мерапрыемствах у Мінску прыняў удзел першы намеснік Міністра сувязі і інфарматызацыі Павел Ткач, у Віцебску - намеснік Міністра сувязі і інфарматызацыі Ганна Рабава і старшыня Беларускага прафесійнага саюза работнікаў сувязі Ніна Гаўрылава. Паміж АП «Каледж ІКТ» і Віцебскім філіялам Акадэміі сувязі быў арганізаваны тэлемост. Усім прысутным перададзены сказаныя на дарогу словы Міністра сувязі і інфарматызацыі Канстанціна Шульгана «Пачатак навучальнага года як сімвал абнаўлення ўсяляе надзею на новыя дасягненні і новыя гарызонты для кожнага з вас. Ад усёй душы жадаю студэнтам упартасці і самарэалізацыі, скарыстайце максімум таго, што можа вам даць Акадэмія сувязі, упэўнена ідзіце па прыступках ведаў і няхай вашыя самыя смелыя ідэі і задумы ажыццявяцца. Педагогам і супрацоўнікам жадаю захоўваць закладзеныя традыцыі, забяспечваць падрыхтоўку высокакваліфікаваных, канкурэнтаздольных спецыялістаў для сферы ІКТ». Першы намеснік Міністра звярнуўшыся да навучэнцаў новага набору пажадаў поспехаў у вучобе і асваенні абранай прафесіі. Пажаданні на дарогу прамавіў і рэктар Беларускай дзяржаўнай акадэміі сувязі Андрэй Зяневіч. На ўрачыстай лінейцы словы ўдзячнасці прагучалі за добрасумленную працу выкладчыкам, а таксама ўручаны Ганаровыя граматы выкладчыкам Ж.П. Лагуцінай, С.В. Каржанеўскаму, К.В. Русаковіч. Граматамі за актыўны ўдзел у грамадскім жыцці акадэміі былі ўзнагароджаны навучэнцы Ю.Бялькевич, Е.Дубовік, І.Рафікаў. ДрукPDF