Сектаральны савет кваліфікацый у сферы ІКТ і сувязі

Друкаваная версія

Сёння ў Рэспубліцы Беларусь дзейнічае сістэма класіфікацыі, сфарміраваная яшчэ 40-60 гадоў таму. Яна ўключае агульнадзяржаўныя класіфікатары "заняткі" і "спецыяльнасці і кваліфікацыі", кваліфікацыйныя даведнікі (ЕТКС і ЕКСД), адукацыйныя стандарты.

Для яе ўдасканалення ў найбліжэйшай перспектыве пастановай Савета Міністраў Рэспублікі Беларусь ад 24.10.2018 № 764 прынятая стратэгія ўдасканалення нацыянальнай сістэмы кваліфікацый.

Важная роля ў гэтай рабоце адводзіцца сектаральным саветам кваліфікацый. У іх задачы ўваходзяць вызначэнне перспектыўных відаў працоўнай дзейнасці і выяўленне патрэбы ў кваліфікацыях.

Загадам Міністэрства сувязі і інфарматызацыі Рэспублікі Беларусь ад 31 студзеня 2019 г. № 32 створаны сектаральны савет кваліфікацый у сферы інфармацыйна-камунікацыйных тэхналогій і сувязі.

Сектаральны савет будзе каардынаваць дзейнасць па распрацоўцы праектаў прафесійных стандартаў на пэўныя віды працоўнай дзейнасці, якія ўжываюцца ў сферы інфармацыйна-камунікацыйных тэхналогій і сувязі.

Прафесійныя стандарты, якія распрацоўваюцца, пасля іх зацвярджэння Міністэрствам працы і сацыяльнай абароны Рэспублікі Беларусь, будуць прымяняцца работадаўцамі, а таксама ў сістэме адукацыі, якая на іх аснове будзе распрацоўваць адукацыйныя стандарты для падрыхтоўкі спецыялістаў па прафесіях.

Першы прафесійны стандарт у галіне паштовай дзейнасці распрацаваны і зацверджаны пастановай Міністэрства працы і сацыяльнай абароны Рэспублікі Беларусь ад 31 студзеня 2020 г. № 17 «Аб змяненні пастановы Міністэрства працы і сацыяльнай абароны Рэспублікі Беларусь ад 16 лістапада 2017 г. № 72 ».

У прафесійным стандарце раскрыты змест і спецыфіка гэтага віду працоўнай дзейнасці, працоўныя функцыі, патрэбныя веды і ўменні, а таксама неабходныя ўзроўні кваліфікацыі работнікаў

Палажэнне аб сектаральным Савеце кваліфікацый у сферы інфармацыйна-камунікацыйных тэхналогій і сувязі пры Міністэрстве сувязі і інфарматызацыі Рэспублікі Беларусь

Склад Сектаральнага савета кваліфікацый у сферы інфармацыйна-камунікацыйных тэхналогій і сувязі пры Мінистэрстве сувязі і інфарматызацыі Рэспублікі Беларусь

Нацыянальная сістэма кваліфікацый

Прафесійны стандарт у галіне паштовай дзейнасці

Прафесійны стандарт

Прафесійны стандарт «Наладка апаратнага і праграмнага забеспячэння»